(၂၀၁၅ခုနစ်၊ ဇွန်လ၊ ၂၂-၂၃ရက်နေ့၊ UMFCCI ခန်းမ)
၂၀၁၅ခုနစ်၊ ဇွန်လ၊ ၂၂-၂၃ရက်နေ့များတွင် ရန်ကုန်မြို့၊ UMFCCI တွင် အနည်းဆုံးအခကြေးငွေ သတ်မှတ်ရေးဆိုင်ရာ အလုပ်ရုံဆွေးနွေးပွဲကို ပြုလုပ်ကျင်းပခဲ့သည်။
အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာန ပြည်ထောင်စုဝန်ကြီး ဦးအေးမြင့်မှ အဖွင့်အမှာစကား ပြောကြားခဲ့ပါသည်။ ထိုနောက် နိုင်ငံတော်သမ္မတအကြံပေးများ၊ လွှတ်တော်အမတ်များနှင့် အလုပ်ရှင် ကိုယ်စားလှယ်အဖြစ် ဦးဝင်းအောင် UMFCCI ဥက္ကဌ၊ အလုပ်သမားကိုယ်စားလှယ်အဖြစ် ဦးမောင်မောင် CTUM ဥက္ကဌတို့မှ ၄င်းတို့၏ Minimum Wageအပေါ် အမြင်များ၊ ချမှတ်ထားသော ပေါ်လစီများနှင့် အလုပ်ရှင်-အလုပ်သမားများ နှစ်ဦးနှစ်ဘက် သဘောတူသည့် နူန်းထားသတ်မှတ်နိုင်ရေး စသည့်တို့ကို ဆွေးနွေးတင်ပြခဲ့သည်။
ထိုအလုပ်ရုံဆွေးနွေးပွဲတွင် အစိုးရ-အလုပ်ရှင်-အလုပ်သမား သုံးပွင့်ဆိုင် တွေ့ဆုံ၍ အနည်းဆုံးအခကြေးငွေဆိုင်ရာ သဘောတရားများနှင့် နိုင်ငံတကာတွင် ကျင့်သုံးနေမှုများ၊ အနည်းဆုံးအခကြေးငွေစနစ် ဖွံ့ဖြိုးတိုးတက်လာမှုများ၊ မြန်မာနိုင်ငံရှိ ပုဂ္ဂလိကလုပ်ငန်းများ၌ အသုံးပြုနေသည့် လုပ်ခလစာပေးသည့်စနစ်ပုံစံနှင့် အနည်းဆုံးအခကြေးငွေ သတ်မှတ်သင့်သည့်ပုံစံကို ဆွေးနွေးတင်ပြခဲ့ပါသည်။
ဒုတိယနေ့တွင် ဒုတိယ၀န်ကြီး ဒေါ်ဝင်းမော်ထွန်း ( အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာန)သည် နိုင်ငံတော်အစိုးရမှ ပံ့ပိုးပေးသင့်သည့် ကဏ္ဍရပ်များနှင့် မူဝါဒများကို ဦးဆောင်ဆွေးနွေးခဲ့ရာ နိုင်ငံတော်သမ္မတအကြံပေး ဒေါက်တာဇော်ဦးမှ လူမှုဖူလုံရေးအကျိူးခံစားခွင့်များတွင် ထည့်သွင်းစဉ်းစားရမည့် အကြောင်းအရာများနှင့် စီးပွားရေးလုပ်ငန်းများ၊ အခွင့်အလမ်းများနှင့်ရင်ဆိုင်နေရသည့်အခက်အခဲများဆွေးနွေးအဖြေရှာခြင်းနှင့် ဒေါက်တာစိုင်းခိုင်မျိုးထွန်း ( MTUFအလုပ်သမားကိုယ်စားလှယ်) နှင့် ဦးမြင့်စိုး (အလုပ်ရှင်ကိုယ်စားလှယ်)တို့ ဆွေးနွေးတင်ပြခဲ့သည်။
အနည်းဆုံးအခကြေးငွေသတ်မှတ်နိုင်ရေးအတွက် အကောင်အထည်ဖော်ဆောင်ရွက်နေမှုများကို အမြဲအတွင်းဝန် ဦးမျိုးအောင် မှ ရှင်းလင်းပြောကြားခဲ့ပြီး အလုပ်ရှင်ကိုယ်စားလှယ်များအဖြစ် ဦးအေးလွင် ၊ ဦးအောင်မင်း တို့နှင့် အလုပ်သမားကိုယ်စားလှယ်များဖြစ်ကြသော ဦးအောင်လင်း နှင့် ဒေါ်ဖြိုးစန္ဒာစိုး ( CTUM တွဲဖက် အတွင်းရေးမှူး) တို့မှ သတ်မှတ်သင့်သည့် အနည်းဆုံးအခကြေးငွေအပေါ် အလုပ်ရှင်၊ အလုပ်သမားတို့၏ အမြင်နှင့် လုပ်ငန်းခွင်တွင် လက်ရှိ ရင်ဆိုင်နေရသော အခက်အခဲများကို ဆွေးနွေးတင်ပြခဲ့ပါသည်။
No comments:
Post a Comment