၁၄ရက် ဒီဇင်ဘာလ ၂၀၁၁ခုနှစ်
တနင်္သာရီတိုင်း၊ ပလောမြို့နယ်၊ အမိုဒေသတွင် လှုပ်ရှားနေသည့် အစိုးရစစ်တပ်က
ဒီဇင်ဘာလ ၇ရက်နေ့မှစ၍ ဒေသခံရွာ သားများအား ညမထွက်ရ အမိန့်ထုတ်ပြန်လိုက်သည်ဟု
ဒေသခံရွာသားများ၏ ပြောပြချက်အရ သိရသည်။
အစိုးရစစ်တပ် နည်းဗျူဟာ-နဗဟ(၃)မှူး ဗိုလ်မှူးကြီးစိုးမင်းဋ္ဌေးက ယခုလ ၇ရက်နေ့တွင်
အမိုဒေသရှိ ဆင်ဖြူဒိုင်ကျေးရွာမှ ထိုင်းနယ်စပ် မဲ့တလိကျေးရွာအထိ ရွာသားများအား
အစည်းအဝေးခေါ်ပြီး ကျေးရွာ စနစ်တကျ တည်ဆောက်နိုင်ရန်အတွက် ညနေမှ မနက်အထိ
ရွာပြင်ပသို့ ထွက်ခွာခြင်းမပြုတော့ကြောင်း အမိန့်ထုတ်ပြန်လိုက်ခြင်းဖြစ်သည်။
No comments:
Post a Comment